Ilçi Şener Jebeji, 1975-nji ýylda Trabzon şäheriniň Of etrabynda doguldy.

Bakalwr bilimini Orta gündogar tehniki uniwersitetiniň (Ankara) Halkara gatnaşyklar bölümünde 1998-nji ýylda tamamlady.

2005-2007-nji ýyllar aralygynda Londondaky Westminster uniwersitetinde “diplomatiýa” ugry boýunça magistratura derejesini aldy. Häzirki wagtda Hajettepe uniwersitetinde (Ankara) doktorlyk derejesi okuwyna dowam edýär.

Şener Jebeji 1998-nji ýylda Daşary işler ministrliginiň Kawkaz ýurtlary bölüminde işe başlap, 2002-2004-nji ýyllar aralygynda Türkiýe Respublikasynyň Täjigistandaky Ilçihanasynda (Duşanbe) üçünji sekretar, 2004-2007-nji ýyllar aralygynda bolsa Türkiýe Respublikasynyň Beýik Britaniýanyň we Demirgazyk Irlandiýanyň Birleşen Patyşalygyndaky Başkonsullygynda (London)wise-konsul we konsul bolup işledi.

2007-2009-njy ýyllar aralygynda Daşary işler ministrliginiň Işgärler bölüminde birinji sekretar, 2009-2012-nji ýyllar aralygynda Türkiýe Respublikasynyň Russiýa Federasiýasyndaky Ilçihanasynda (Moskwa) birinji sekretar we geňeşçi bolup işledi.

Şener Jebeji Moskwadaky işinden soň, 2012-2014-nji ýyllar aralygynda Türkiýe Respublikasynyň Bolgariýadaky Başkonsullygynda (Plowdiw) baş konsul bolup işledi.

2014-2027-nji ýyllar aralygynda Daşary işler ministrliginiň Administratiw we maliýe işleri müdirliginde bölüm müdiri bolup işlän Jebeji, 2017-nji ýylyň 11-nji iýulynda Türkiýe Respublikasynyň Germaniýa Federatiw Respublikasyndaky Başkonsullygynda(Essen) baş konsul wezipesine bellendi.

2022-nji ýylyň başyndan başlap, Daşary işler ministrliginde ilki Merkezi Aziýa ýurtlary boýunça jogapkär bölüm müdiri, soňra bolsa baş direktorynyň orunbasary bolup 2026-njy ýylyň awgust aýyna çenli işledi.

Şener Jebeji 2026-njy ýylyň 24-nji awgustyndan bäri Türkiýe Respublikasynyň Türkmenistandaky Adatdan daşary we doly ygtyýarly Ilçisi wezipesinde işleýär.

Şener Jebeji öýlenen we iki çagasy bar.

Iňlis we rus dillerini bilýär.