2020-nji ýylyň 10-nji dekabrynda Baku şäherinde gol çekilen “Türkiýe Respublikasynyň Hökümeti bilen Azerbaýjan Respublikasynyň Hökümetiniň arasynda şahsyýeti anyklaýyş resminamasy bilen syýahat etmek hakyndaky Teswirnamanyň” döwlet içi amallary iki ýurtda-da tamamlandy. Teswirnama, 2021-nji ýylyň 1-nji aprelinden başlap güýje girer.

Şunuň bilen iki ýurduň raýatlary, Türkiýäniň hem-de Azerbaýjanyň arasynda amala aşyrjak göniden-göni syýahatlarynda pasportlary ulanmazdan diňe bir täze görnüşli şahsyýeti anyklaýyş resminamasynyň üsti bilen girip-çykyp bilerler.

Doganlykly Azerbaýjan bilen Türkiýäniň arasynda 2021-nji ýylyň 1-nji aprelinden başlap güýje girjek täze düzgün, ýurtlarymyzyň arasynda “iki döwlet, bir millet” şygary bilen beýan edilen ýurtlarymyzyň arasyndaky berk doganlykly gatnaşyklary has-da pugtalandyrar.